دۆلار وەگەرد وسانن بۆرسەی عراق ئارام گرێد

شەفەق نیوز/ بۆرسەی سەرەکی لە بازاڕەیل کیفاح و حارسیە لە بەغداد پایتەخت، ئمڕوو شەممە، لەکار وسیان، لەوەر قەیەغە گشتگیرەگە ک لە دوێەکە جمعە جیوەجی کریەێد و تا سوو یەکشەممە وەردەوام بوود.

پەیامنێر ئاژانس شەفەق نیوز وت: بۆرسەی سەرەکی لەبازاڕ کیفاح و حارسیە لە بەغداد، لەوەر جیوەجیکردن قەیەغە گشتگیرەگە لەکار وسیان.

وتیش؛ نرخەیل فرووشتن و سەنەین لە دوکانەیل خەرجکردن لە بازاڕە ناوخۆیەگان ئارام گرد ک بەشیگیان لە بەغداد واز کردن، ک نرخ فرووشتن رەسیە ١٤٥،٧٥٠ دینار عراقی، و نرخ سەنین رەسیە ١٤٤،٧٥٠ دینار وەرانوەر ١٠٠ دۆلار ئەمریکی.

پەیامنێرەگەمان ئاماژە کرد ک بورسەی هەولێر پایتەخت هەرێم کوردستان لەوەر پشۆی فەرمی ئمڕوو کار نەکرد.