دۆلار وەرەو جیگربوین چوود.. راویژکار سودانی دڵنیایی و هوشداری کەێد
![دۆلار وەرەو جیگربوین چوود.. راویژکار سودانی دڵنیایی و هوشداری کەێد](https://media.shafaq.com/media/arcella/1672231072687.jpeg)
شەوەکی ئمڕوو چوارشەممە، نرخ دۆلار ئەمریکی وەرانەوەر دینار عراقی خاسەو بوی، دویای داوەزین نرخی لە بۆرسەی سەرەکی بەغداد پایتەخت، ک نرخ ١٠٠ دۆلار ئەمریکی رەسیە ١٥٦ هەزار دینار عراقی.
بەرزەوبوین نرخ دۆلار لە بازاڕەیل ناوخوەیی عراق، هیشت نرخ خواردەمەنی لە بازاڕەیل بڕ فرووشتن گرانەو بوود.
ساڵح ئەرا ئاژانس شەفەق نیوز وت: عراق یەکیگە لە گەورەترین وڵاتەیل ناوچەگە لە توانای پشتدەسەی دارایی، باوجی کەشوهەوای چاوەیل و شافەیل، کەفتە ناو مەردمەگە، لەوەر ئەو بانوخوارکردنە لە نرخ دۆلار، لەبان پشتبەسان ریکارەیل ناودەوڵەتی لە کار هەواڵەکردن دەیشتەکی ک ٩٠٪ لە زاوای بازار ئەرا دراو بیگانە جیوەجی کەێد.
وتیش: خوازیمن دڵنیای گشتی بکەیمن ک وەگەرد ئاشکرایی زانیاریەیل لەلایەن داواکەر سپۆنسەر هاوردەی دراو بیگانە، وەرگردن دراو بیگانە هالە زیایبوین، ئەرا پڕەوکردن داوایل بازرگانی دەیشتەکی و وەکوتپڕ جیوەجی بوود، و وەنرخ خەرج فەرمی ک رەسێدە ١٤٦٠ دینار عراقی وەرانوەر یەک دۆلار ئەمریکی.
ساڵح وتیش: بازاڕ دارایی ها گام گونجانن خوەی وەرەو ریە راسەگە، ک رخ و نیگەرانی نییە، و هەمیش ئابووری حکومەتی قورسی لە رێکخستن ژیان ئابووری دروس کەێد، و توانای بنەڕەتی ئەرا پاڵپشتیکردن ئابووری بازاڕ و جیگربوینی دیرێد، ئەراوە بایەتە ئەو چاوەیل درووە وەلایەن دوژمنەیل جیگربوین بخریەێدە پشت گووش.