دۆلار لە بۆرسەی بەغدا رەسێدە نزیک ١٥١ هەزار دینار

دۆلار لە بۆرسەی بەغدا رەسێدە نزیک ١٥١ هەزار دینار
2022-12-07T12:00:22+00:00

شەفەق نیوز/ نرخ دۆلار ئەمریکی وەرانەوەر دینار عراقی ، ئمڕوو چوارشەممە، لە بۆرسەی سەرەکی بەغداد پایتەخت، وەردەوامە لە بەرزەوبوین، تا بڕەسێدە نزیک ١٥١ هەزار دینار.

پەیامنێر ئاژانس شەفەق نیوز وت: نرخ ١٠٠ دۆلار ئەمریکی، لە بۆرسەی کیفاح و حارسیە لە بەغداد ،لە ساعەت ١:٤٠ نیمەڕو رەسیە ١٥٠٧٥٠ دینار عراقی.

شەوەکی ئمڕوو، مەوقەی وازکردن بۆرسە، نرخ ١٠٠ دۆلار ئەمریکی وە ١٥٠٢٠٠ دینار عراقی بوی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن رەسیە ١٥١٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٥٠٠٠٠ دینار عراقی.

Shafaq Live
Shafaq Live