دەسنریەێد وەبان نزیکەی 20 تەن مادەی هووشبەر و کاریگەریە دەروینیەل لە عراق
2023-10-25T09:24:04+00:00
شەفەق نیوز/ وەڕیوبەرایەتی گشتی کاروبار مادەیل هووشبەر لە وەزارەت ناوخوەی عراق، ئمڕوو چوارشەممە، راگەیان دەسنریاس وەبان نزیکەی 20 تەن لە مادەی هوشبەر و کاریگەریە دەروینیەیل، و زیاتر لە 25 هەزار بازرگان و وەکارهاوەر دەسگیرکریانە لەسەرەتای ئمساڵەو تا ئیسە.
وەڕیوبەرایەتەگە ئمڕوو لە بەیاننامەیگ راگەیان، " ئۆپراسیۆن خوەپاراستن دویەم کە گەپیگترین دانرێد لە مێژووی عراق و دیارترین و مەترسیدارترین تووڕەیل بازرگان و بڵاوکردن مادەی هووشبەر دەسگیرکردن".
وەپای بەیاننامەگە وتیش لە ئەنجام (16399) وە توومەت مادەی هووشبەر دەسگیرکریان لەناویان (9600) توومەتبار سزای لەسێدارەدان و زیندانی هەمیشەیی و سزادریان.
وەڕیوبەرایەتیەگە دیاریکرد دەسنانە وەبان (3) تەن و نیم لە جویرەیل جیاواز مادەی هووشبەر، و (15)تەن و (1.650.000) دەنگ حەب کاریگەری دەروینیەیل، و (943) چەک، و(173) نارنججەک، و(1596) ماشین.
لەبەیاننامەگە وتیش (13) بازرگان هووشبەر کوشیانە، (11) کەسیش زەخمدارە، 3 کوشیان، و (23) زەخمداریش لە ئەندامەیل دژە مادەیل هووشبەر.
