دەسنرێد وەبان 16 کیلوگرام مادەی هووشبەر لە ئەنبار
2024-01-23T14:48:09+00:00
شەفەق نیوز/ فەرمانگەی مادەی هووشبەر و کاریگەری دەروینیەگان لە وەزارەت ناوخوەی، ئمڕوو سێشەممە، راگەیان دەسنریاس وەبان نزیکەی 16 کیلوگرام لە حەب مادەی هووشبەر لە خوەرئاوای عراق، لە ئۆپاسیۆنیگ کە وە دویەم جویر دانرێد لەماوەی چەن ساعەتیگ.
وەڕێوەبەر فەرمانگەگە لیوا ئەحمەد زرکانی لە بەیاننامەیگ رەسیە ئاژانس شەفەق نیوز وت "لە ئۆپراسیۆنیگ جویری وە سەرپەرشتی وەزیر ناوخوەی و هاوبەشی ئەمن نیشتیمانی، وەڕێوەبەرایەتی بەڕەنگاربوین مادەی هووشبەر لە پارێزگای ئەنبار توەنستنە دەسبگرن وەبان 100 هەزار دەنگ حەب لە جویر کیتاغۆن، کە نزیکەی 16 کیلوگرامە".
لەهەمان وەخت، وەرجە یە فەرمانگەگە راگەیاندبوی دەسنایە وەبان نزیکەی 15 کیلوگرام مادەی کریستال، دیاریکرد تومەتبارەگەش دەسگیرکردیە لەدویای ئەوەگ تەقەلای وایندایە و رویوەڕوی هێزەیلە بویە زەخمدار کریایە لەپارێزگای بەسڕە.
