دەسناین وەبان پشتین تەقینەوە و بومب ئەرا تەقانن دانریاگە لە بەغدا
2023-05-16T06:29:08+00:00
شەفەق نیوز/ هێزەیل سوپای عراقی، ئمڕوو سێشەممە، تەقەلایگ پەلاماردان ریخریاگ داعش پویچەوکردن لە بەغدای پایتەخت.
سەرچەوەیگ ئەمنی وەرپرس وە ئاژانس شەفەق نیوز وت، زانیاری هویردیگ رەسیە لیوای 25 تیپ 17 سەر وە سوپا ک قاویش تەقینەوەیگ و شمارەیگ بومب هەس ئامادەکریانە ئەرا تەقینەوە وە کوتپڕ ئەفسەر هەواڵگێری روی کردیەسە ئەو شوینە و دەسکردیەسە مینەکردن لەناوچەی یوسفیە لە سەید عەبدولڵا باشوور بەغدا.
وتیش، ئەفسەرەگە پشتین تەقینەوە و شمارەیگ بومب تەقینەوە پەیاکردیە، وە خێرایی تیمیگ کارکاردن دروسکریاس وەلایەن هیزەیل لیوای 25 دەورەی ئەو شوینە دانە پسپۆریگ تەقەمەنی هاوردنە ئەرا ئەڵگردن ئەو مادەیلە وەبی ئەوەگ رویداو روی بیەێد.
