دەسلاتدارەیل عراقی رێککەفتن وەبان گلەوداین 800 کەس لە باکوور خوەرهەڵات سوریا
شەفەق نیوز/ دەسڵاتدارەیل عراقی رەزامەندی دان لە گلەوداین 800 عراقی ک ئاوارەبۊنە یا دەسوەسەر کریانە لە کەمپەیلەی باکوور خوەرهەلات سوریا.
وەرپرسیگ کورد سوریا دیاریکرد، " گلەوداین ئەو کەسەیلە، ک لە ئاوایەیل نزیک سنووری عراق ژیەن، لە رووژ پەنجشەممە وە وەجیهشتن 800 کەس دەس وەپیکرد، ئەو وەرپرسە وتیش" بڕێگتریش هانەڕیەو لە رووژەیل ئایندە".
وەگورەی راگەیانن سووری ئەرا ماف مرۆڤ، پەنابەرەیل عراقی وە ماشین پاس ، لە رێ دەروازەی سنووری یەعرەبیە لەنوان هەردگ وڵات دەرچگن.
لە بەغدا، وەرپرسیگ باڵا ئەرا ئاژانس فرانس برس دووپاتکرد، نزیکەی 800 کەس لە ژن و مناڵ و پیاو ئەورە وەجیهیلن. وتیش؛ ئیمە هۊردبینی لە ناسنامەیلیان کەێمن لەوەر هووکار ئاسایشی، و دیاریکرد " ئەوان لە سووریا بار دارایی خەراویگ دیرن، ئەرا ئاوایەیلیان گلەو دریەن".
لەی چەن مانگەی دۊایی سەدان عراقی لەو خێزانەیلە ک گومان کریەێد پەیوەندی وەگەرد داعش دیرن لە کەمپ هول گلەوخواردنە، ک لەناوی دەیان هەزار سوری و عراقی و بیانی گومان لیکریاگ وە پەیوەندی داشتن وەگەرد ئەو ریکخریاگ توندڕەوە دەسگیرکریاۊن چەن ژن و مناڵیگ هاناویان.
