دەسکردن وە پلانیگ نیشتمانی ئەرا ماف مرۆڤ لە عراق و هەرێم
شەفەق نیوز/ ئمڕوو پەنجشەممە، لە شار سلێمانی، راگەیانن دەسکردن وە پلانیگ نیشتمانی ئەرا ماف مرۆڤ لە عراق و هەرێم کوردستان.
ئی پلانە کەفێدە چوارچیوەی هاوبەشی لەناونی رێکخراوەیل کۆمەڵگای مەدەنی و وەزارەت داد لە حکومەت فیدڕاڵی، وە نوێنەرایەتی هەرێم کوردستان لەڕی دیندار زیباری هەماهەنگکار تەمەیە ناودەوڵەتیەیل لە حکومەت هەرێم.
پلانەگە لە ٢٦ بەند دروس کریاگە، و گشتی لە تەمەیل ئەنجومەن ماف مرۆڤ لە جنێڤ هاتگە.
سالار عەبدولسەتار وەزیر داد عراقی لە کۆنگرەیگ رۆژنامەوانی لە راگەیانن پلانەگە وت: ئی پلانە لەلایەن ئەنجومەن وەزیران واژوو کریا، وتیش؛ پلانەگە فرە گونجیاگە و ئەوەسا بوودە بنەڕەت توکمەیگ ئەڕا ماف مرۆڤ لە وڵاتەگە.
لەلای خوەییش دیندار زیباری لەناو کۆنگرەگە وت: هەرێم کوردستان بەشیگە لەی پلان نیشتمانیە، و دیاری کرد ک حکومەت هەرێم وە شیوەی تەواویگ هەماهەنگی و هاوکاری وەخاتر جیوەجیکردن گشت شیوەیل ئی پلانە کرد.
وتیش؛ حکومەت هەرێم پلانیگ تر لە چوارچیوەی ئی پلانە دیرێد، و ئەوەسا لە ئایندە خەێدەی وەردەس.
