دەسگیرکردن چوار تیرۆرست لەمەوقەی چگنیان وەرەو ناو بەغداد
![دەسگیرکردن چوار تیرۆرست لەمەوقەی چگنیان وەرەو ناو بەغداد](https://media.shafaq.com/media/arcella/1624784154735.jpg)
شەفەق نیوز/ ئاژانس هەواڵگری سەروە وەزارەت ناوخۆ، ئمڕوو یەکشەممە، راگەیان دەسگیرکردن چوار تیرۆرست لەمەوقەی چگنیان ئەرا ناو بەغداد پایتەخت.
شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: مەفرەزەیل ئاژانس هەواڵگری و لێکۆڵینەوەیل فیدڕاڵی لە وەزارەت ناوخۆ توێنستن چوار تیرۆرست وەگورەی مادەی چوار تیرۆر لە ناوچەیلیگ جیاجیا لە بەغداد پایتەخت دەسگیر بکەن.
بەیاننامەگە نشان دا ک دووان لە تیرۆرستەیل لە خەڵک پارێزگای نەینەوا و ئەوەکان خەڵک پارێزگای دیالە بوین، کار وەگەرد چەتەیل داعش تیرۆرست کردنە و زاقتریان یەکیگیان بوی وە ناو ئامر مەفرەزە.