دەسگیرکردن چوار تیرۆرست داعش لە سەڵاحەدین
![دەسگیرکردن چوار تیرۆرست داعش لە سەڵاحەدین](https://media.shafaq.com/media/arcella/1681381752883.jpg)
2023-04-13T10:29:26+00:00
شەفەق نیوز/ ئاژانس هەواڵگری و لێکۆڵینەوەی فیدڕاڵی لە وەزارەت ناوخۆ، ئمڕوو پەنجشەممە، دەسگیرکردن چوار تیرۆرست لە ئەندامەیل داعش لە پارێزگای سەڵاحەدین راگەیان.
ئاژانسەگە لە بەیاننامەیگ رەسیە ئاژانس شەفەق نیوز وت: لە بنەمای زانیاری هەرێم و فەرمان دادوەری، توەنست چوار توومەتبار لە ناوچەیلیگ جیاجیا لە پارێزگای سەڵاحەدین دەسگیر بکەێد، ک لایەنگر چەتەیل داعش تیرۆرست بوینە، و وەگورەی مادەی چوار تیرۆر داوا کریانە.
وتیش: دویای لێکۆڵینەوە وەگەرد تیرۆرستەیل، دان وە کردەوەیل خوەیان دا ک تاوانەیلیگ تیرۆری وە ماوەی چەن ساڵیگ گوزەشتە جیوەجی کردنە، و ریکارەیل یاسایی وەگەردیان جیوەجی کریا.