دەسگیرکردن وەرپرس لە «پارچە ڤیدیۆی سەربڕینەگە» لەلای داعش لە کەرکوک
شەفەق نیوز/ ئاژانس هەواڵگری سەروە وەزارەت ناوخۆ، ئمڕوو شەممە، راگەیان دەسگیرکردن تیرۆرستیگ لە پارێزگای کەرکوک وە شیوەی «راگەیانن» لەلای ریخریاگ داعش.
لە بەیاننامەیگ رەسیە ئاژانس شەفەق نیوز وت: مەفرەزەگانی توێنستن یەکیگ لە تیرۆرستەگان لە ناحیەی عەباسی لە پارێزگای کەرکوک بگرن، وەگورەی مادەی ٤ تیرۆر داواکریاگە.
وتیش؛ دەسگیرکریایەگە لە دیوان راگەیانن لە داعش کار کەێد، و ئاماژە کرد ک لە لێکۆڵینەوە سەرەتایبەگان ئاشکرای پەخشکردن پارچە ڤیدیۆەگان و وێنەگان کرد ک تایبەتن وە کارە تیرۆرستیەگان لەبان ماڵپەڕەیل پەیوەندیە کۆمەڵایەتیەگان، و وەکارخستن پارچە ڤیدیۆیگ تایبەت وە سەربڕین و کوشتن بیگوناحەگان لە شاشەیگ لەناو یەکیگ لە بازاڕەگان لە پارێزگای کەرکوک لە وەخت کۆنتڕۆڵکردن داعش لەبان ناوچەیلیگ لە پارێزگاگە ئەرا رخبردن خەڵکەگە.
وتیش؛ گریایەگە هەمیش بەشداری کردگە لە کارەیلیگ تیرۆری دژوە هێزە ئەمنیەگان لە کەرت ئامرلی، و دیاری کرد ک دەسنریا بان فلاشیگ میمۆری پارچە ڤیدیۆیەیلیگ تایبەت وە کارە تیرۆرستیەگان ک چەتەیل داعش دژوە هاووڵاتییەگان هاناوی.
هەمیش دەسنریا بان دوو کلاشینکۆف وەگەرد عەتاد، لەلایەن تیرۆرستەگان پێشکەشیان کریاگە،و دووپاتکرد ک ریکارە یاساییەگان وەرانەوریان بریان.
