دەسگیرکردن وەرپرسیگ حکومەتی لە باشوور عراق وە توومەت تەقەلای کوشتن

سەرچەوەیگ لە پۆلیس پارێزگای زیقار، ئمڕوو یەکشەممە، خەوەردا وە دەسگیرکردن هەیسەم دەبی راوێژکار پارێزگار لە باوەتەیل وەرزشی.

سەرچەوەگە ئەرا ئاژانس شەفەق نیوز وت: دویای رەسین زانیاریەیلیگ وە هەوڵداین کوشتن لەلایەن توومەتبار هەیسەم دەبی دویای ئەوەگ لە وەختیگ گوزەیشتە دەسدریژی لەبان حەیدەر ئەبو شهێمە لە ناو ماڵەگەی کرد، و وە چەقو داگەسەلی ، ئمڕوو دەسگیری کریا.

سەرچەەوگە دیاریکرد ک دەسگیرکردنەگە لەبان دەبی لە نووسینگەی پارێزگارەگە وەزوور کریا هەنای رازی نەوی خوەی بیەێدە دەس، و ئاماژەدا ک هێزە ئەمنیەگان رک داشتن لە دەسوەسەرکردنی وە ئامادەبوین زەردمەنەگە حەیدەر ئەبو شحێمە، و توومەتبارەگە وەگەردی ئەرا لایەنە وەرپرسەگان بریان.