دەسگیرکردن وەرپرسیگ حکومەتی دویای گلەوخواردنی لە دەیشت وڵاتەگە

دەسەگە لە بەیاننامەیگ رەسیە ئاژانس شەفەق نیوز وت: فەرمانگەی گلەوداین زانیاری لەبان تاوانکار وەڕیەوبەر ورین بەش فرووشتن لە کۆمپانیای گشتی بازرگانی خوەراک وەپی رەسێد، و دەسکردە مینەکردن و وەشوینکەفتن و چەودیاریکردن تاوانکارەگە، ک دوو سزای غەیابی و دوو یادداشت دەسگیرکردن لەبانی دەرچگە، تا توەنست دەسکیری بکەێد و بەرگەی دەس لایەنەیل پەیوەندیدار.

  وتیش: دادگای نەهیشتن تاوانەیل کەرخ لە ساڵ ٢٠٢١ سزای هەفت ساڵ زیندانی لەبنەمای مادەی ٣٤٠ لە یاسای سزادان عراقی لەبانی دەرکرد، لەبان رەسانن  بایی (80,100,000) زەرەد لەبان فەرمانگەگەی وە نەفرووشتن ٣٥ تەن و  ٦٠٠ تەن نژی لە مەوقەی گونجیاگ خوەی رەسانیە، ک نژیەگە خراو بویە، و فەرمان وەزارەتی لەبان ئەوە زەرەدە لەبانی دەرچگە.

وتیش: دادگای بەغداد لە ساڵ ٢٠١٧ سزای دوو ساڵ زیندانی سەخت لەبانی دەرکردگە، ئەوەیش لەبان گریەبەسی کرای ماشین بارهەڵگر ئەرا رەسانن خوەراک کارت مانگانە لە بەندەرەیل بەسرە ئەرا شوینەیل کۆمپانیای بازرگانی خوەراک، وتیش؛ لە ئەنجام پاپەی نەوین تاوانکارەگە، زەردە پویل بار ١٩ بارهەڵگر دزیاگ زەرەد وە ڤەرکانکەگەی رەسانیە.