دەسگیرکردن وەکارهاورەیل هووشبەرەکان لە بەغداد
![دەسگیرکردن وەکارهاورەیل هووشبەرەکان لە بەغداد](https://media.shafaq.com/media/arcella/1616666672250.jpeg)
2021-03-25T10:04:47+00:00
شەفەق نیوز/ سەرچەوەیگ لە پۆلیس پارێزگای بەغداد، ئمڕوو پەنجشەممە، خەوەردا ک هێزیگ لە پۆلیس دوو کەس لە وەکارهاورەیل هووشبەرەکان لە شار سەدر لە خوەرهەڵات بەغداد پایتەخت دەسگیر کرد.
سەرچەوەگە وت: یەکیگ لە خاڵەیل لیوای چوارەم فیرقەی یەکەم پۆلیس فیدڕاڵی، لە مەوقەی ئەرکەیل وەشکین و ووردبینی ماشینەیل لە ناوچەی شار سەدر، دوو کەس دەسگیر کرد.
پۆلیس فیدڕاڵی لە بەیاننامەیگ رەسیە ئاژانس شەفەق نیوز وت: دویای وەشکین ماشینەگەیان و پەیاکردن مادەی کریستال ودەوانچەیگ ویبلی وەگەرد ٦ گولە و چەقوویگ، دریانە دەس لایەنە پەیوەندیدارەکان ئەرا تەواوکردن ریکارە یاساییەکان.