دەسگیرکردن ژن و شوییگ لە بەغداد مەردم رفنن
2023-01-05T11:04:32+00:00
شەفەق نیوز/ شانەی راگەیانن ئەمنی عراق، ئمڕوو پەنجشەممە، خەوەردا لە دەسگیرکردن ژن و شوییگ وە توومەت جیوەجیکردن کارەیل رفیان لە بەغداد پایتەخت.
شانەگە لە بەیاننامەیگ رەسیە ئاژانس شەفەق نیوز وت: ئۆپراسیۆنەیل بەغداد وە تەقەلای رەنج هەواڵگری جیاوازیگ، رەسینە دەسگیرکردن شوی و ژنیگ وە توومەت رفیان.
دیاری کرد ک هیزیگ لە فەرماندەیی ئۆپراسیۆنەیل بەغداد وە بەشداریکردن کەتیبەی رەوانگەی فەرماندەییەگە و هیزیگ لە لیوای شەشەم فیرقەی دویەم پولیس فیدڕاڵی وە هەماهەنگی وەرد وەڕیەوبەر بەش هەواڵگری و ئاسایش فەرماندەییەگە تونەستن پیاو و ژنیگ وەگورەی توومەت مادەی ٤٢١ رفیان لە ناوچەی حەی جیهاد لە بەغداد پایتەخت دەسگیر بکەن، وتیش: دوو توومەتبارەگە دریانە دەس لایەنەیل پەیوەندیدار تا سزای خوەیان بوەن.
