دەسگیرکردن ژنیگ کە وەرپرس زیندانەیل داعش بویە لە نەینەوا
![دەسگیرکردن ژنیگ کە وەرپرس زیندانەیل داعش بویە لە نەینەوا](https://media.shafaq.com/media/arcella/1723800790546.jpg)
2024-08-16T09:33:23+00:00
شەفەق نیوز/ وەڕیەوبەرایەتی گشتی هەواڵگری و ئاسایش، ئمڕوو جمعە، خەوەردا لە دەسگیرکردن ژنیگ وەرپرس لە وەڕیەوبردن زیندانەیل ژن و بەشەوکردن پشتگیری ئەرا ژنەیل ریخریاگ داعش لە پارێزگای نەینەوا.
وەڕیەوبەرایەتیەگە لە بەیاننامەیگ دیاری کرد کە مەفرەزەیل شانەی ئەرکەیل هەواڵگری تایبەت لە وەڕیەوبەرایەتیەگە توەنستن یەکیگ لە ئەندامەیل داعش دەسگیر بکەن، کە یاداشت دەسگیر لەبانی دەرچگە وەگورەی مادەی ٤ تیرۆر، کە کار لە کەتیبەی خەنستر لە ویلایەت نەینەوا لەلای داعش کار کردگە.
وتیش: ئەو ژن توومەتبارە وەرپرس کاروبار زیندانەیل ژن و بەشەوکردن پشتگیری ئەرا ژنەیل داعش بویە.