دەسگیرکردن ژنیگ وەتاوان رفیان دویەتیگ سزای لەسێدارەدان لەبانی دەرچگە
2023-02-07T09:00:17+00:00
شەفەق نیوز/ دژە تاوان بەغداد، ئمڕوو سێشەممە، خەوەردا لە دەسگیرکردن ژنیگ وە بی ئامادەبوینی سزای لەسێدارەدان لەبانی دەرچگە، وەگەرد دەسگیرکردن کەسەیلیگتر وە تاوانەیل جیاجیا داوا کریانە.
دژەتاوان لە بەیاننامەیگ رەسیە ئاژانس شەفەق نیوز وت: مەفرەزەیل نویسینگەی حوریە لە وەڕیەوبەرایەتی دژەتاوان بەغداد، توەنستن ژنیگ تاوانکار دەسگیر بکەن سزای لەسێدارەدان لەبانی دەرچگە وەبی ئامادەبوینی لە دادگا، وەبان تاوان رفیان دویەتیگ ناخاڵە.
هەرلیوا، مەفرەزەیل نویسینگەی دژەتاوان بەغداد شمارەیگ لە توومەتبارەیل دەسگیر کردن لەبان دزیکردن ماتۆرسکڵ و توکتوک، و پویل لە ماڵەیل و دوکانەیل، و کەسەیلیگ وەتوومەت ساختەکاری، و کەسەیلیگ وە تاوانەیلیگ جیاجیا داوا کریانە، ک ریکارەیل یاسایی وەگەردیان جیوەجی کریا.
