دەسگیرکردن مامووستایگ وە توومەت ساختەکاری و دراوردن تەرم دوو کەس وە پلیان ماشینیگ لە بابل
2023-05-12T12:05:19+00:00
شەفەق نیوز/ دوو سەرچەوەی ئەمنی، ئمڕوو جومعە، خەوەردا لە دەسگیرکردن مامووسایگ وە توومەت ساختەکاری لە بەغدای پایتەخت، و دراوردن دوو تەرم لەدویای رویداو پلیان ماشینیگ لە پارێزگای بابل.
یەکیگ لە سەرچەوەیل وە ئاژانس شەفەق نیوز وت،" هێزەیل ئەمنی ماموستایگ لە پەروەردەی رەسافەی سێیەم دەسگیرکردنە، وە توومەت ساختەکاری لە شار سەدر، ئەرا یەکیگ لە بنکەیل بریاگە تا رێکارەیل پێویست ئەرای ئەنجامبدریەد".
وتیش" هێزەیل ئەمنی ئۆپراسیۆنیگ ئەنجامدانە لەدویای داواکاری هاوڵاتییگ ک وەپای مادەی 298 فەرمان دەسگیرکردن ئەرا مامووسا ژنەگە داشتیە".
لە بابلیش، تیم وەرگیری مەدەنی دوو ترم دراودنە لە ری وەکارهاوردن ئامێر بڕین و جیاکردن هایدرۆلیکی ئەرا بڕین پارچە ئاسنەیل و دراواردن قوربانیەیل، لە ئەنجام پلیان ماشینگ لە جویر سیراتو لە قەزای موسیب باکوور پارێزگاگە.
سەرچەوەیگ لە وەرگیری مەدەنی بابل وە ئاژانسەگە وت، " تیمیگ قورتارکردن ئەمنی گواستنەوە تەرمەیل رادەس خەسخانەی ئەسکەندریە کردنە و رێکارەیل یاسایش ئەنجام دریایە".
