دەسگیرکردن فەرمانبەریگ لە ئەنبار خوازێد دوێەت ناخاڵەیگ بڕفتێد
شەفەق نیوز/ مەبروک جغێفی قایمقام قەزای حەدیسە لە پارێزگای ئەنبار، ئمڕوو جمعە، ئاشکرا کرد ک پۆلیس خۆجێی توێنست سئ کەس دەسگیر بکەێد تەقەلای رفانن دوێەت ناخاڵەیگ دان، ئەوەیش دویای یەک ساعەت لە تەقەلای تاوانەگە.
جغێفی ئەرا ئاژانس شەفەق نیوز وت: نیمەڕو پەنجشەممە، توومەتبارەیلیگ تەقەلای رفانن ئەو دوێەتە دان ک تەمەنی لە دوانزە ساڵان زیاتر نییە، ئەوەیش لەمەوقەی چگنی ئەرا وەرگردن ئەنجام خوەنەواریەگەی.
جغێفی دیاری کرد ک یەکیگ لە توومەتبارەیل وەدەسی دەم دوێەتەگە گرد، و خوازێد وەزوور وەرەو ماشینەگەی بوەێدەی، ولێ دوێەتەگە توێنست بقیژنێد و خەڵک ناوچەگە گردەو بکەێد، ئیجا وەزوی وەماشینەگەی وای، و دویای نووڕستن کامیرایل چەودیریەکان وەگورەی قسەیل وەچەودیەکان، ئاشکرا بوی ک دوو کەس وەگەردی بوین، و هەنای دەسگیر کریا ئاشکرایان کرد.
جغێفی وتیش؛ توومەتبارەیل هانە کاردە هونەریەل لە خەسەخانەی گشتی حەدیسە، و لە خەڵک قەزای هیت خوەرئاوای ئەنبارن، و ئیسە بەندین کریانە ئەرا لێکۆڵینەوەکان.
