دەسگیرکردن شەش تیرۆرست مەترسیدار لە نەینەوا

ئاژانسەگە لە بەیاننامەیگ رەسیە ئاژانس شەفەق نیوز وت: مەفرەزەیلی لە نەینەوا و لەو پارێزگایل، وەگورەی زانیاریەیلیگ هەواڵگری توەنستن شەش تیرۆرست داواکریای دەسگیر بکەن، ک فەرمان دەسگیرکردن وەگورەی مادەی چوار تیرۆر لەبانیان دەرچگە.

دیاری کرد ک ئەو تیرۆرستەیلە بەشداری لە جەنگ وەرانوەر هیزەیل ئەمنی و دەسدرویژی لەبان خەڵک کردنە، و بەڵگەنامەیل نشان دەن ک ئە  توومەتبارەیلە لەناو (لیوای سەربازگەیل گشتی و فیرقەی یەرموک و ئەیسەر ئەسرا و فیرقەی زات سەواری و سوپای دابق) لەلای داعش کار کردنە، و پویل وەرانەوەر کارکردن لەژیر ئی ناوەنشانەیل تیرۆریە گردنە.