دەسگیرکردن کەسیگ وە توومەت کوشتن خوەشکەگەی و مردن دوو مەدەنی لە دیالە و گەرمیان

دەسگیرکردن کەسیگ وە توومەت کوشتن خوەشکەگەی و مردن دوو مەدەنی لە دیالە و گەرمیان
2023-03-16T14:17:59+00:00
شەفەق نیوز/ دوو سەرچەوەی ئەمنی لە دیالە و گەرمیان خەوەردان لە مردن دوو کەس لە دوو رویداو جیاواز، و پۆلیس هەولێر ئاشکەرای تاوانیگ کوشتن کرد وە هووکار گیچەڵ خێزانی.

سەرچەوەیگ ئەمنی لە دیالە وە ئاژانس شەفەق نیوز خەوەردا، پیاویگ پەنجا ساڵان وە کارەبا گیان لە دەسدایە لە دەوروگەرد شار بەعقوبە.

وتیش تەرم قوربانیەگە ئەرا پزیشک دادوەری کلکریایە و دەسڵاتدارەیل ئەمنی لێکۆڵینەوە لە رویداوە وازکردنە.

لە گەرمیانیش، وەڕیەوبەر راگەیانن پۆلیس موقەدەم عەلی قەدوری وە ئاژانس شەفەق نیوز وت؛ گەنجیگ 29 ساڵان خوەی کوشتیە وە چەک لە جویر دەوانچە لە دەوروگەرد شار کەلار.

قەدوری دیاریکرد، هێزەیل ئەمنی لە شوین رویداوەگە ئامادەبوین و لێکۆڵینەوە بەردەوامە لە چوینیەتی رویدان رویداوەگە و تەرم گەنجەگە ئەرا خەسخانەی کەلار کلکریایە.

وەڕیەوبەرایەتی پۆلیس پارێزگای هەولێر ئمڕوو لە بەیاننامەیگ راگەیان  خەوەردار کریانە لە رویدان رویداویگ زەخمداریکردن لە ناو خەسخانەگە، لە دویای ئەوەگ تیمیگ لە لێکۆڵەرەیل رەسن ئەرا ئەو خەسخانە،  دەرچگە زەخمدارەگە دویەتیگە تەمەن 28 ساڵان وە گولە زەخمدار سەری کریایە و لە دویای دوو ساعەت مەندنی لەخەسخانە لەوەر ناجیگیری بارودۆخ تەندروسی گیان لەدەسدا.

لە دویای لێکۆڵینەوەیل و رەسین زانیاریەیل دەرچی، براگەی وە ناو. (ر.س.ب) تەمەن 32 ساڵ،  لەوەر گیچەڵ کۆمەڵایەتی تەقە لەلی کردیە و هێزەیل ئەمنی توەنستنە وە کەمترین کات دەسگیری بکەن.

Shafaq Live
Shafaq Live