دەسگیرکردن کەسەیلیگ لە «سوپای دابق» لە نەینەوا
شەفەق نیوز/ مەفرەزیل سەروە ئاژانس هەواڵگری لە وەزارت ناوخۆ، ئمڕوو دووشەممە، توێنستن ژمارەیگ لە ئەنامەیل «سوپای دابق» لە پارێزگای نەینەوا دەسگیر بکەن.
وەزارت ناوخۆ لە بەیاننامەیگ رەسیە ئاژانس شەفەق نیوز وت: لە چەودیریکردن ئەندامەیل چەتەیل داعش، مەفرەزیل ئاژانس هەواڵگری لە وەڕێۆبەرایەتی هەواڵگری نەینەوا لە وەزارەت ناوخۆ توێنستن ٩ تیرۆرست داواکریاگ وەگورەی فەرمانەیل مادەی ٤ تیرۆر دەسگیر بکەن، لەوەر لایەنگرییان ئەرا چەتەیل داعش.
بەیاننامەگە وتیش: ئەو ئەندانەمەیلە ک گریانە لە سوپای دابق و کامپە گشتیەگان و فیرقەی نەهاوەند و عێن جالووت وە نازناوەیلیگ جووراجور کار کردنە، و هەمیش یەکیگیان لە راگەیانن سەربازی کار کەێد وەنازناو ئەبو کەریم.
وتیش؛ دەسگیرکردنەگان لە جووراجور ناوچەگان لە هەردوگ لاگەی مووسڵ و ناوڕاسەگەی ئەنجام دریا، و ئاماژە کرد ک بەندینیان کریا تا لێکۆڵینەوەگان وریکارە یاساییەگان وەدژیان بریەن.
