دەسگیرکردن سێ کەس لە بەغدا یەکیگیان بازرگان هووشبەری گەورەس
2024-07-21T15:06:14+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە دەسگیرکردن سێ کەس، یەکیگیان بازرگان هووشبەری گەورەس لە باشوور بەغدای پایتەخت.
سەرچەوەگە ئەرا ئاژانس شەفەق نیوز وت: لیوای سێ لە پولیس فیدڕاڵی سێ کەس دەسگیر کرد، یەکیگیان بازرگان هووشبەری گەورەس، یاداشتەیل دادوەری لەباتی دەرچگە، و بڕیگ مادەی کریستال هووشبەر لەناو چوار کیسە وەپییان بویە، ئەوەیش لە ناوچەی ئەبو دشیر باشوور بەغداد.
وتیش: ئەو دەسگیرکردنە دویای کوڵەگردن قایمیگ ئەرا ئەو سێ داواکریایە هات.
