دەسگیرکردن سکێرتێر سەرۆک کۆمار وە توومەت بەرتیل وەرگردن

شەفەق نیوز/ سەرچەوەیگ ئاگادار، ئمڕوو پەنجشەممە، راگەیان یاداشت دەسگیرکردن کەسیگ کە لە سەرۆکایەیتی کۆمار کارکەێد جیوەجی کریا وە توومەت بەرتیل وەرگردن وەرانوەر بەڵین دروکانی ئازادکردن توومەتباریگ.

سەرچەوەگە کە داواکرد ناوی نارن لەناو دەزگایەیل راگەیانن کە لە ناویانیش ئاژانس شەفەق نیوز بوی وت:  تیمیگ لە دەسەی دەسپاکی توەنستیە (چالاک سەباح عومەر) دەسگیربکەێد کە جویر سکێرتێر سەرۆک کۆمار کارکردیە، لەوەر وەرگردن رشوە لە یەکیگ لە هاوڵاتیەیل وەرانوەر بەڵێن دروکانی ئەرا دەرکردن زیندانیگ.

سەرچەوەگە هویچ زانیاریگ زیاتر نەدایە.