دەسگیرکردن رانندەی پاسیگ ک جانتای زیارەتکارەیل دزیە لە باشوور بەغدا

شەفەق نیوز/  وەزارەت ناوخۆ ئەرا کاروبار پۆلیس، ئمڕوو دووشەممە، راگەیان، لە یەکیگ لە خاڵەیل وشکین ئەمنی رانندەیگ دەسگیرکردنە  ک جانتای زیارەتکارەیلە دزیە لە باشوور بەغدای پایتەخت.

لە بەیاننامیگ رەسییە ئاژانس شەفەق نیوز وت، خەوەر رەسیە وە فەرماندەیی پۆلیس بەغدا رانندەی یەکیگ لە ماشینەیل کرا (کۆستەر) جانتای ئاو زیارەتکارەیلە دزیە ک وەردی بوینە، وتیش وەرجە ئەوەگ رێککەفتبوین  ڵە کەربەلاوە ئەرا کازمیە بوەێدەیان دویای ئەوە ئەرا سامەرا، لەدویای داوەزینیان لە کازمیە وایە و جانتاگان دزیە.

فەرماندەی پۆلیس وتیش، تیم کارکردن تایوەتیگ دروس کردنە و وشکین ئەو ماشینەیلە تونەوکریاگە ک وەرەو دەێشت بەغدا چن،  لەدویای دانان بۆسەی تونیگ لە خاڵ وشکنین دەورە ، رانندەگە  دەسگیرکریاگە ک جانتاگان وەپی بویە.