دەسگیرکردن دوو کەس کە دەسدرویژی کردنە وەبان مناڵیگ 6 ساڵان لە بابل
2024-02-22T10:25:55+00:00
شەفەق نیوز/ ئاژانس وەزارەت کاروبار پۆلیس سەر وە ناوخوەی عراق، ئمڕوو پەنجشەممە، راگەیان دوو کەس دەسگیرکردنە وە توومەت دەسدرویژیکدنە بان مناڵیگ 6 ساڵان لەدویای زیندانیکردنی لەناو دوکانیگ لە پارێزگای بابل.
ئاژانسەگە لە بەیاننامەیگ ئمڕوو راگەیان، لە ئۆپراسیۆنیگ جویری کە فەرماندەی پۆلیس بابل، عەمید عەلی کامل حەسناوی سەرپەرشتی ئەکرد تیمەیل کارکردن کە پێکهاتبوی لە وەڕێوەبەر بەش دژە تاوانەیل و یەکەی دژە تاوانەیل ناحیەی (ئەبی غەرق) و بنکەی پۆلیس ناحیە و پۆلیس رویداوەیل دوو کەس دەسگیرکردنە کە وە سرە دەسدرویژی کردنە وەبان مناڵیگ شەش ساڵان لەدویای زیندانی کردنی لە ناو دوکانەگەیان لە ناحیەی (ئەبی غەرق).
وتیش، لە ئۆپراسیۆنەگە وە تەقەلایگ وەردەوام وەزارەت ئەمنی و هەماهەنگی وەرد دەسڵاتدارەیل دادگا ئەنجامدریا و شوین توومەتبارەیل دیاریکریا و دەسگیرکریان.
فەرماندەی پۆلیس بابل دووپاتکرد دەسڵات دادوەری رێکار گرێدە وەر و توومەتبارەیل وە سزای خوەیان رەسن.
