دەسگیرکردن دوو کەس کە کتاویگ ئاسەواری وەپیان بویە و 7 ساڵ زیندانیکردن ئەفسەریگ گەندەڵ لە بەغداد و بابل
سەرچەوەگە وە ئاژانس شەفەق نیوز خەوەردا، هێزەیل ئەمنیلەماوەی کوڵەی قایمیگ توەنستن دوو کەسەگە دەسگیربکەن یەکیگیان ئەندامە لە وەزارەت وەرگیری و دویەمیش فەرمانبەر خانەنشینیگە کە کتاویگ ئاسەواری 17 پەڕەیی وەپیان بویە لە ناوچەی بەیاع لە بەغدا.
هەمیش، دادگای تاوانەیل بابل سزای 7 ساڵ زیندانیکردن ئەرا ئەفسەریگ وە پلەی عەقید دەرکرد دویای ئەوە گ وە بەرتیل توومەتبارکریا.
ناوەن راگەیانن ئەنجومەن دادگای باڵا لە بەیاننامەیگ راگەیان "دادگای تاوانەیل بابل تایوەت وە دۆسیەیل دەسپاکی سزای هەفت ساڵ زیدانیکردن دەرکرد ئەرا ئەفسەریگ وەپلەی عەقید کە لە پۆست وەڕێوەبەر نویسینگەی تاوان ئابووری کارکەێد لە قەزای مەسیب و ئەسکەندریە و سەددە".
وتیش " توومەتبار بڕ 5000 دۆلار ئەمریکی لە یەکیگ لە خاوەن دوکانە بازرگانیەل وەرگردیە لە وەرانوەر سەرپیچیکردن لە ئەرکەیل کارەگەی" وتیش"سزاگە وە پشت بەسین وە بڕگەیل بڕیار 160 / دویەم / 1 ساڵ 1983 هاتیە".
