دەسگیرکردن دوو توومەتبار کە وە غیابی سزای زیندانی هەمیشەیی دریاوێن لە بەغدا
2023-12-12T09:46:59+00:00
شەفەق نیوز/ وەڕێوەبەرایەتی دژە تاوانەیل بەغداد، ئمڕوو سێشەممە، دەسگیرکزدن دوو توومەتبار راگەیان کە وە غیابی سزای زیندانیکردن هەمیشەیی ئەرایان دەرکریاوێد وە مدوو تاوان کوشتن لە پارێزگای زیقار.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت، " مەفرەزەیل وەڕێوەبەرایەتی دژەتاوانەیل بەغدا توەنستنە دوو توومەتبار دەسگیربکەن کە وە غیابی سزای زیندانیکردن هەمیشەیی دریانە وەپای بڕگە مادەی 406 لەیاسای سزادان کە وەلایەن دادگای تاوانەیل زیقار دەرچیە ئەرا ئەنجامدانیان تاوان کوشتن".
دیاریکرد " ئۆپراسیۆن دەسگیرکرداەگەیان لەماوەی ئەرکەیلیگ ئەمنی بوی کە مەفرەزەیل نویسینگەی نەهرەوان دژە تاوانەیل ئەنجامی دا لەناوچەی وەرپرسیارەتی بەغدا" وتیش " رێکارەیل یاسایی وەرانوەریان کریەێد و دریەنە دەس دادگا ئەرا وەرگردن سزای دادپەروەرانەیگ".
