دەسگیرکردن جیوەجیکەرەیل کوشتن وەرپرسیگ خۆجێیی لە دیوانیە
2020-12-20T08:29:10+00:00
شەفەق نیوز/ ئاژانس هەواڵگری سەروە وەزارەت ناوخۆ، ئمڕوو یەکشەممە، راگەیان دەسگیرکردن جیوەجیکەرەیل کوشتن ئەندام دەسەی قەرەبووەگان لە پارێزگای دیوانیە.
ئاژانسەکە لە بەیاننامەیگ رەسیە ئاژانس شەفەق نیوز وت: دویای تاوان کوشتن نەسیر کازم ئەوسی ئەندام دەسەی قەرەبووەگان قوربانیەگان تیرۆر لە پارێزگای دیوانیە، تیمیگ تایبەت لە مەفرەزەیل ئاژانس هەواڵگری لە وەڕێۆبەرایەتی هەواڵگری دیوانیە دروس کریا، و دویای خەسەوکردن تەقەلایل هەواڵگری، دوو توومەتبار لە جیوەجیکەرەیل کوشتنەگە دەسکیر کریان.
و دیاریکرد ک لە لێکۆڵینەوە سەرەتایبەگان ئاشکرای تاوانەگەیان کردن، ک هەووکار پویل لە پشتی بویە، و ئاماژە کرد لە واژووکردن قسەیلیان و هەواڵەکردنیان ئەرا دادوەری تا سزای یەکسانی خوەیان بووەن
