دەسگیرکردن توومەتباریگ وە کوشتن ئەفسەریگ لە نەهرەوان بەغداد
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دەسگیرکردن توومەتباریگ وە کوشتن ئەفسەریگ پولیس لەناو تەقەکردن دویەکە سێشەممە، لە ناوچەی نەهرەوان باشوور بەغداد.
سەرچەوەگە ئەرا ئاژانس شەفەق نیوز وت: هیزیگ ئەمنی کابرایگ دەسگیر کرد وە توومەت کوشتن ئەفسەریگ وە پلەی موقەدەم لە پولیس فیدڕاڵی، دیاری کرد کە توومەتبارەگە ئاشکرا کردیە کە خوەی وە چەک کلاشینکۆف تەقە لە مەفرەزەیل پولیس فیدڕاڵی کردگە.
سەرچەوەگە وتیش: توومەتبارەگە دریا دەس دژەتاوان نەهرەوان، و دیاری کرد کە ئەو کابرا توومەتبار سەرەکی لە رویداوەگە نییە، بەڵکم بەشداری وەگەرد توومەتبار سەرەکی کردگە.
ئیوارەی دویەکە سێشەممە، سەرچەوەیگ ئەمنی لە بەغداد، خەوەردا لە کوشیان فەرماندەی فەوجیگ لە پولیس فیدڕاڵی، لە ئەنجام تەقەکردن وەرانوەر کەسیگ کە ئەرا دادگا داوا کریاس، ئەوەیش لە ناوچەی نەهرەوان باشوور بەغداد.
