دەسگیرکردن تاوانبارەیلیگ پەلامار مەردم دانە

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە دەسگیردن شمارەیگ لە چەتەی بازرگانیکەر وە مادەی هویشبەر، و دەسگیرکردن کۆمەڵیگ چەکدار ک پەلامار مەدەنیەیل دانە لە دو رویداو جیا لە پارێزگای نەجەف و دیوانیە.  

سەرچەوەگە وە ئاژانس شەفەق نیوز وت، بومبیگ دەسی تەقیە بان هیزەیل ئەمنی لەلایەن چەتەیل هویشبەر، لەناوڕاس شار نەجەف، وەبی زەرەد گیانی. 

سەرچەوەگە وتیش، هیزەیل ئەمنی شمارەیگ چەتە دەسگیرکردنە لە ماوەی رویوەروی بوینیان و ئەرا ناوەن ئەمنی کلکریانە لێکۆلینەوە وەگەردیان کریا و خریەنە وەردەم دادگا. 

لە لایگتر سەرچەوەیگ ئەمنی خەوەردا ، کەسەیلیگ ک ماتووڕسکیڵ وەپیان بویە وە چەک پەلاماردانە سێ کەس لەناوچەی گەرەک عەسری ناوراس دیوانیە و هەرسێگیان زەخمدار کردیە، وتیش، پۆلیس ئەو لایەنەیلە دەسگیرکردیە.