دەسگیرکردن "ئەبو حەمزە" لە کەرکوک.. وینە

شەفەق نیوز/ قسەکەر فەرماندەی گشتی هیزە چەکدارەیل عراق، ئمڕوو دووشەممە، دەسگیرکردن سەرکردەیگ تیرۆریست وەنازناو "ئەبو حەمزە متویتی" لە کەرکوک راگەیان.

لیوا یەحیا رەسول لە بەیاننامەیگ رەسیە ئاژانس شەفەق نیوز وت " دەزگای دژەتیرۆر ئۆپراسیۆنیگ چینەیی جیوەجی کرد رەسیە دەسگیرکردن سەرکردەی تیرۆریست وەناو "ئەبو حەمزە متویتی"، و دیاری کرد ک ئەو تیرۆریستە سەرکردەیگ ئەمنیە لە کەرت ناوخوەیی داعش لە "ویلایەت کەرکوک".

دیاری کرد ک تیرۆستەگە وەرجەیە فەرماندەی کەتیبەی پەلامار وەناوچگن لە فیرقەی فەرمان بویە لە ویلایەت نەینەوا لەلای چەتەیل داعش.