سەرچەوەگە ئەرا ئاژانس شەفەق نیوز وت: زانیاری رەسیە لە رفیان هاوڵاتییگ پاکستانی کار ئەندازیاری کەێد لە ماشینەیل مارکەی (BMW)، و دیاری کرد کە بڕفنەیل داوای چوار هەزار دۆلار ئەمریکی لە کەسوکارەیل رفیایەگە کردنە.

وتیش: کامیرایل دەرکریان و کەفتنە شوین جویلەی بڕفنەیل کە دەرکەفت رفیایەگە لە ناوچەی تاجی باکوور بەغدا هەسەی، و تیمیگ تایبەت دروس کریا و رەسینە شوینەگە.

سەرچەوەگە دیاری کرد کە هیزە ئەمنیەگە توەنست چوار کەس پاکستانی دەسگیر بکەێد، و رفیایەگە ئازاد بکەێد، کە وە زەنجیر پاوەن کریاوێد.