دەسگیرکردن بکوش گورانیچڕیگ گەنج مادەی هووشبەر وەپی بویە لە بەغداد
2024-08-26T11:38:54+00:00
شەفەق نیوز/ سەرچەوەیگ ئەمنی، ئمڕوو دووشەممە، دەسگیرکردن بکوش هونەرمەن عراقی بوراق مهەنا راگەیان کە مادەی هووشبەر وەپی بویە، لە یەکیگ لە ناوچەیل بەغداد پایتەخت.
سەرچەوەگە ئەرا ئاژانس شەفەق نیوز وت: هیزیگ ئەمنی توومەتبار و بکوش سەرەکی هونەرمەن بوراق مهەنا لە ناوچەی حەی جیهاد لە بەغداد دەسگیر کرد.
سەرچەوەگە وتیش: هیزەگە لەناو ماڵ توومەتبارەگە مادەی کریستال هووشبەر و تەرازوی ئەلیکترۆنی وەگەرد کەرەستەیل وەکارهاورنی پەیا کرد.
سەرچەوەگە دیاری کرد کە دوو کەس لە خاوەن ماڵەگە دەسگیر کریان کە توومەتبارەگە شاردنەسەو.
رووژ پەنجشەممەی گوزەشتە، هونەرمەن بوراق مهەنا وە دەس برای ژنەگەی لە ناوچەی زاعفەرانیە کوشیا.
