دەسگیرکردن بکوش بلۆگەر "رەگەز ئاڵشتکریاگ سمسم" لەباشوور عراق
فەرماندەی پۆلیس لە بەیاننامەیگ راگەیان " بلۆگەریگ ناسریاگ وە (سمسم) لە نزیک فلکەی جادریە کوشیایە و دەسوەجی تیمیگ کارکردن وە ئاست بەرزیگ دروسکریا ئەرا چەودێریکردن باوەتەگە، لە ئەنجام ئەو زانیاریەیلە وەردەس بوین و لەدویای ئۆپراسیۆن هویردیگ توومەتبارەگە دەسگیرکریا".
لیوا سوڵتان دیاریکرد، توومەتبار رانندەی تاکسیە و خاوەن ماشین سایبایە دان وە ئەنجامدان تاوانەگەی دانایە کە لەوەر دروسبوین دەمەقاڵیگ بویە لەناوەین ئەو و قوربانیەگە کە نەتواسیە ئەو بڕە پویل کرایەگە بدەێد لەبانی رێککەفتبوین، و داواکردبوی بڕەسندێ لە کویچەی عروبەو ئەرا ناوچەی جامعە لە دیوانیە.
سەرچەوەیگ ئەمنی لە پارێزگای دیوانیە باشوور عراق، رووژ پەنجشەممەی گوزەشتە، خەوەردا لە کوشتن "بلۆگەر" رەگەز ئاڵشتکریایگ لەناوراس پارێزگاگە.
سەرچەوەگە وە ئاژانس شەفەق نیوز وت، "بلۆگەرەگە ناوی (سمسم)ە تەمەنی 28 ساڵانە وە دەس کەسیگ نەناسریاگ کوشیایە وە چەقوو تیژ لە نزیک فلکەی جداریە ناوڕاس شار دیوانیە ناوەن پارێزگاگە".
