دەسگیرکردن کابرایگ دویەت ناخاڵەیگ لە باشوور بەغداد رفانیە
![دەسگیرکردن کابرایگ دویەت ناخاڵەیگ لە باشوور بەغداد رفانیە](https://media.shafaq.com/media/arcella/1702026346338.jpeg)
2023-12-08T09:05:59+00:00
شەفەق نیوز/ وەزارەت ناوخۆی عراق، ئمڕوو جمعە، خەوەردا کە مەفرەزەیل وەڕیەوبەرایەتی دژە تاوان بەغداد، توەنستن توومەتباریگ وە رفانن دویەتیگ ناخاڵە لە ناوچەی ناحیەی وحدە باشوور بەغداد دەسگیر بکەن.
وەزارەتەگە لە بەیاننامەیگ وت: دەسگیرکردن ئەو توومەتبارە دویای ئەوە هات کە کاغەزەیل لێکۆڵینەوەی رفیان دویەتیگ ئەرا نویسینگەی نەهرەوان هەواڵە کریا، تا وەکوتپڕ تیمیگ کارکردن ئەرا وەشوینکەفتن رویداوەگە دروس کریا.
وتیش: دویای وەشکین و گردەوکردن زانیاری، و تەقەلای گەورە و جیاوازیگ، رەسیە توومەتبارەگە و دەسگیری کریا، کە دویەتە رفیایەگە لەناو ماڵ توومەتبارەگە وەدی کریا.
بەیانامەگە وتیش: کاغەزەیل لێکۆڵینەوە خریا وەردەم دادوەر لێکۆڵینەوە، و بڕیار بەندیکردنی دریا وەگورەی مادەی ٤٢١ لە یاسای سزادان.