دەسگیرکردن 8 کەس لە دویای مەرافەیگ "سیاسی" لە دیالە
سەرچەوەگە وە ئاژانس شەفەق نیوز وت، مەرافەیگ دروسبویە لەناوەین چەن کەسیگ لەوەر مەرافیگ کۆمەڵایەتی"زەواج" لەناوەین کورەیل هووز (عەبید) لە ئاوای تەحویلیە، خوەرهەڵات قەزای خاڵس، لەدویایش وەردەوەردە کەفتیەسە ناوەین دوو کاندید کە هەردگیان لە لیست (سیادة)ن لە چوارچمگ سەرۆکایەتی سیاسەتمەدار خەمیس خەنجەر.
سەچەوەگە وتیش، لە مەرافەگە چەک وەکارهاویایە و تەقەکریاس درویژە کیشاس ئەرا بنکەی پۆلیس تەحویلیە، دیاریکرد هێزەیل پۆلیس دەستێوەردان کردنە ئەرا ناوجیکردن کاندیدەگان، ئیەش بویە هوکار ەسین هێزەیل ئەمنی کپەوکردن مەراف و دەسگیرکردن 8 کەس کە هووکار مەرافەگە بوینە چەک وەپیان بویە.
سەرچەوەگە دووپاتکرد، لایەنە ناکۆکەیل رێککەفتن لەبان ئاشتی کردن و رێکەفتن هووزانە، هەمیش ئەندامەیلیگ لە پۆلیس داد توومارکردنە لە دادگا لەوەر هەڕەشە جویراوجورەیل، دیاریکرد دەسگیرکریاگەیل هانە ژیر کۆنترۆل و لەژیر رێکارەیل ئەمنی لە ناوچەی ناکۆگەگە.
