دەسگیرکردن 13 بیگانە لە بەغدا و قوورتاکردن دۊتیگ لە خوەیکوشتن
شەفەق نیوز/ سەرچەوەیگ ئەمنی، ئمڕوو پەنجشەممە،خەوەردا لە دەسگیرکردن 13 کەس بیانی سەرپیچیکەر لەناوراس بەغدا، لەهەمان وەخت هێزەیل ئەمنی تۊنستنە قورتار دۊتیک بکەن ک تەقەلای خوەیکوشتن دایە لە پارێزگای میسان.
سەرچەوەگە وە ئاژانس شەفەق نیوز خەوەر دا، هێزەیل ئەمنی ئۆپراسیۆنیگ وشکین جیوەجی کردنە لە ناوچەی فەزڵ لە ناوراس بەغدا، لە ئەنجام 13 سەرپیچیکەر دەسگیر کریان ک ناسنامەی بیانی وەپیان بۊیە، دیاریکرد وەلای سێ کەسیان دەسگیریایە وەبان مادەی هوشبەر ک ئەرا وەکارهاوردن خوەیان وەپیان بۊیە.
سەرچەوەگە دیاریکرد، سەرپیچیکەرەیل ئەرا یەکیگ لە بنکەیل ئەمنی کلکریانە ئەرا لێکۆلینەوە.
لە میسان، بەش پۆلیس فریاگوزاری بەش هەتێن لە وەڕێەوبەرایەتی پۆلیس پارێزگاگە، وەگورەی بەیاننامیگ تۊنستنە قوورتار دۊتیگ بکەن ک تەقەلای خوەیکوشتن دایە لە بەرزی پێەڵ جمهوری دۊای خەوەر رەسین لە تەقەلای دۊتیگ ئەرا خوەیکوشتن.
لەبەیاننامەگە ئاشکەرایش کرد، فریاگوزارەیل وە زۊی رەسینە شۊنەگە دین دۊتیگ تەقەلا دەێد خوەی بخەێدە خوار لە بەرزتری پپەڵ قورتارکریا وەرجە ئەوەگ خوەی فڕە بەێد.
لە قسەیلی ئاشکەرا کردیە هووکار خوەیکوشتنەگەی لەوەر ناکۆکی خێزانی بۊیە، رادەس بنکەی پۆلیس کریا ئەرا مقەیەتیکردن سەلامەتی.
