دەسگیریا وەبان سێ کۆنتێنەر کەرەستەیل پزیشکی و دەرمان قاچاخ لە بەندەر ئوم قەسر

شەفەق نیوز/ وەڕێوەبەرایەتی دەروازەی بەندەر ئوم قەسر لە باکوور، توەنست دەسبگرێد وەبان سێ کۆنتێنەر لەدەێشت گومرک لە خاڵ وشکین کە  لە (دەرمان ئایەم و شمارەیگ کەرەستەیل پزیشکی، ئامێر پەیوەنیکردن وگەرد لابتۆب) بویە.

قسەکەر دەسەی دەروازەیل سنووری عەلا قەیسی وە ئاژانس شەفەق نیوز وت: "ئەو مادەیلە لە پشت کاڵا جوراوجورەیل شاریابوینەو، کە لە مامەلەیل گومرکی قسەلەبانی نەکریابوی و ئەرا قاچاخکردن وەپی ئامادەکریابوین".

وتیش؛ راپۆرتیگ فەرمی دەسگیرکردن ئامادەکریا، و ئەوانەگ دەسوە بانیان گیریابوی ئەرا بنکەی پۆلیس ئوم قەسر باکوور کلکریان ئەرا خستنە نووای دادوەر لێکۆلەر پسپۆر".