دەسکاریکردن چەک کۆتایی وە گیان گەنجیگ تیارێد
2025-02-06T10:24:39+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە کوشیان گەنجیگ لەوەخت دەسکاریکردن چەک لەناو ماڵیان.
سەرچەوەگە وە ئاژانس شەفەق نیوز وت " گەنجیگ تەمەن 23 ساڵان لە مەوقەی دەسکاریکردن چەک لەناو ماڵیان تەقە لەخوەی کردیە لە دەوروگەرد قەزای خاڵس باکوور شار بەعقوبە ناوەن پارێزگای دیالە".
وتیش "هێزە ئەمنیەیل رەسینەس شوین رویداوەگە تەرمەگە ئەرا پزیشک دادوەری کلکردنە، و لێکۆڵینەوە لە چۆنیەتی رویداوەگە وازکریاس".
