دەسپاکی فیدڕاڵی: سەرۆک کۆمار ئاشکرای ماڵداریی ئەرا ساڵ ٢٠٢١ کرد
2021-01-17T12:53:52+00:00
شەفەق نیوز/ فەرمانگەی مقەیەتی لە دەزگای دەسپاکی فیدڕاڵی، ئمڕوو یەکشەممە، راگەیان ئاشکراکردن بەرهەم ساڵح سەرۆک کۆمار لە ماڵداری خوەی ئەرا ساڵ ٢٠٢١
دەزگاگە لە بەیاننامەی کوڵیگ رەسیە ئاژانس شەفەق نیوز وت: لیستیگ وە ئاشکراکردن ماڵداری سەرۆک کۆمار دکتۆر بەرهەم ئەحمەد ساڵح قاسم وەرگرد.
وەرجەیە، دەزگاگە لە کۆتایی ساڵ گوزەیشتە، باس لە ووردەکاریەیل یەکەم راسەوکردن یاسای ژمارە ٣٠ ئەرا ساڵ ٢٠١١ کرد، دویای بڕیارداین راسەوکردنەگە لەلای ئەنجومەن نۆێنەران، وەگورەی فەرمانەیل یەکەم لە مادەی ٦١ و بەند سێیەم لە مادەیڵ٧٣ لە دەستور، ک مادەی ١٠/ یەکەم/ ا ئاماژە وە پاوەنکردن هەرلە سەرۆک کۆمارو جیگرەگانی، هەمیش کەسەیلیگ تر لە هەر فەرمانبەری و پۆستیگ فەرمی وە ئاشکراکردن ماڵدارییان.
