ڤیدیۆ.. زەخمداربوین لە رویوەڕوبینگ لەناوبەین لایەنگرەیل سەدر و ناڕەزاگان لە باشوور عراق
شەفەق نیوز/پارچە ڤیدیۆیەیلیگ ک چالاکوانەگان لەماڵپەڕەیل پەیوەندیە کۆمەڵایەتیەگان بڵاوی کردن، نیشان رویوەڕوبینگ لەناوبەین لایەنگرەیل شەپۆل سەدری و ناڕەزاگان تەشرین دەن لە مەیدان حەبوبی لەناوڕاس شار ناسریە لە باشوور عراق.
وەگورەی چالاکوانەگان، لایەنگرەیل سەدر دویای نیمەڕو ئمڕوو پەلامار مەیدان حەبوبی دان وە کولە و کوتەک و چەقو و کوچک، و ئاماژە کرد ک رویوەڕوبینەگان لەناوبەین هەردوگلاگە بویەو.
هەرلیوا، سەرچەوەیگ ئەمنی وەرپرس خەوەردا ک ژمارەیگ لە چادرەیل ناڕەزاگان لە مەیدان حەبوبی سزانن، و ئاماژە کرد لە تۆمارکردن ١٠ زەخمداربوین لەلای کەمەو لەوەر ئەو رووادوەیلە لەناوبەینیان.
لەلای خوەییش فەرمانگەی تەندروسی زیقار دووپاتکرد لە ١٠ زەخمداربوین لەوەر رویوەڕوبیتەگان.
عەمار زاملی قسەکەر وەناو فەرمانگەگە وت: زەخمداربوینەگان سەخت نەوین و ماشینەیل فریاکەفتن وەردەوامن لە گواستنەوەی زەخمدارەگان ئەرا خەسەخانەگان.
لەلای خوەییش، تەلەفزیۆن ناوخۆی ناسریە لە خەوریگ زوینە وت: یەک قوربانی لەلای کەمەو کەفت، و ٢٥ کەس زەخمداربوین لە ئاماریگ سەرتایی لە رویوەڕوبیتەگان ناسریە.
