ڤیدیۆ.. زەخمداری گەورەی هووزیگ دۊای مرافەیگ وەرد ئاموزایلی

شەفەق نیوز/ سەرچەوەیگ ئەمنی، ئمڕوو شەممە، خەوەردا لە زەخمداری گەورە هووزیگ دۊای مرافەیگ وەگەرد ئاموزایلی، مەوقەی ئامادەبۊنی لە کۆنگرەیگ هووزانە، هەنای دە مەیدان دەیشت هوتێلیگ لە بەغداد بۊ.  

سەرچەوەگە ئەرا ئاژانس شەفەق نیوز وت: مرافەیگ کەفتە مەیدان دەیشت یەکیگ لە هوتێلەیل ناوچەی ئەبو نوئاس، ناوڕاس بەغداد، ناوبەین گەورە هووزیگ خەڵک کەربەلا وەناو (م،ج) و ەگەرد هەشت لە ئاموزایلی،  هەنای شێخەگە لە کۆنگرەیگ هووزانە لە بەغداد ئامادە بۊ، ک زەخمدار لە سەر و لەشی بۊ. 

سەرچەوەگە وتیش: شێخەگە سکاڵای فەرمی لەبان تاوانکارەیل لە بنکەی پۆلیس سەعدون توومار کرد.