دەیان کەس لە زیقار وەداوای دەرفەتەیل کار خۆپیشاندان کەن.. وێنە
2021-02-10T09:05:03+00:00
شەفەق نیوز/ دەیان لە مانگگرەگان لە وەردەم کۆمپانیای نەفت زیقار، ئمڕوو چوارشەممە، دەرچگنە خۆپیشاندانیگ لەوەردەم بینای پارێزگاگە ئەرا داوای دابینکردن دەرفەتەیل کار.
ئەرا نزیکەی یەک ساڵە، مانگگردن وازیگ لە وەردەم کۆمپانیای نەفت زیقار لە شار ناسریە هەس، ک چینەیل نوویگ لە بیکارەگان رەسنە مانگگردنەگە.
پەیامنێر ئاژانس شەفەق نیوز لە ناسریە وت: دەیان لە مانگگرەگان لە وەردەم کۆمپانیاگە روی وەرەو مەیدان حەبوبی کردن، و لەوەرەو وەرەو بینای دیوان پارێزگاگە.
ناڕەزاگان ک فرەیان لە دەرچگەیل زانکۆ و پەیمانگان، ری جادەی ئیمام عەلی لەناوڕاس شار ناسریە بڕین، تا داوای دابینکردن دەرفەتەیل کار بکەن.
