دەیان تویشهاتن.. یەک مردن نوو وە کولێرا لە بەغداد
شەفەق نیوز/ وەزارەت تەندروسی و ژینگەی عراق، ئمڕوو پەنجشەممە، توومارکردن دەیان تویشهاتن وە بیماری کولێرا راگەیان.
وەزارەتەگە لە بەیاننامەی کوڵبڕیگ رەسیە ئاژانس شەفەق نیوز وت: ٥٩ تویشهاتن نوو وە کولێرا توومار کریا.
بەیاننامەگە وتیش: دویەم مردن وە کولێرا لە بەغداد توومار کریا. کامیرای ئاژانس شەفەق نیوز، توومارکرد چوین بن چەمەگە بویەسە پارچەیگ بیاوانی، وئاو پیس بەد بوون لە بن چەمەگە بنەو گردیە، چوینکە ئاو ئاوەڕۆ پیسە.
ئی ئاو پیسە لە گوڵەمەیلیگ لە چەم دیالە پەنگەو خوەێد، ئەوەیش چوینکە ئاو ئاوەڕۆ خریەێدە ناو چەم دیالە، وبڕین ئاو لەی چەمە بویەسە قەیران ئاو.
ئەو ئاوە رەنگی سیاوە بوی لەوەر پیسی، لەناو بڵاوبوین کولێرا وتەو خۊنوەربۊن.
زەرەدمەنترین کەس لەی قەیرانە خوەیان خاوەن گامیشەیلن چوینکە ئاوەگە وە ئاست ٨٠% هشکەو بویە.
سەرچەوەیل ئاژانس شەفەق نیوز باس توومارکردن چەن تویشهاتنیگ وە کولێرا لەی ناوچەیلە کردن، لەناو بیدەنگی حکومەتی.
