دیالە.. کوشیان و زەخمداری ٢٠ کەس وە رویداوەیل هاتوچو وەماوەی ٤٨ ساعەت

شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا ک پارێزگای دیالە وەماوەی ٤٨ سەعات گوزەشتە، ٥ رویداو هاتوچو توومار کردیە، زیاتر لە ٢٠ قوربانی و زەخمدار لەلیان کەفتنە.

سەرچەوەگە ئەرا ئاژانس شەفەق نیوز وت: دیالە ٥ رویداو هاتوچو وەخوەی دی، بەشیگیان دڵتەزنە، لە چەن ناوچەیگ، ک کوشیان و زەخمداری زیاتر لە ٢٠ کەس لەلیان کەفتیە، وەگورەی ئامارەیل پزشکی و هاتوچو، وتیش: شمارەی قوربانیەیل وەشیوەی هویردیگ ئاشکرا نەویە، چوینکە شمارەیگ لە زەخمدارە سەختەیل ئەرا دەیشت پارێزگاگە بریانە.

وتیش: رویداوەیل هاتوچو لە دیالە هانە بەرزەوبوین رخبەریگ وەگورەی ئەو پارێزگایل، و فرەیان مەرگبار بوینە، و کەمئەندامی دروس کردنە، وەگەرد ئەو رویداوەیل ک تەنیا زەرەد دارایی رەسانن.