دیالە.. زەخمداری دوو زاڕوو وە تەقیان مینیگ وەجیماگەیل ساڵ هەشتاگان
2024-03-27T11:50:25+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە زەخمداربوین دوو زاروو وە تەقیان مین لە وەجیماگەیل جەنگ عراق ـ ئیران لە خوەرهەڵات دیالە.
سەرچەوەگە ئەرا ئاژانس شەفەق نیوز وت "مناڵیگ وەرد خوەشکەگەی لەناو زەویگ کشاوەرزی رویوەروی تەقیان مین بوینە کە بویەسە هووکار زەخمداربوین سەختیگیان لە نزیک دووڵ تەرسق سنوور نیوان پارێزگای واست و دیالە".
وتیش "مینەگە لە وەجیماگەی جەنگ عراق و ئیران بویە وەپای لێکۆڵینەوەیل سەرەتایی لافاوە کۆتایەگە هاوردیەسێ".
