دیالە.. بەرزەوبوین نرخ خواردەمەنیەگان لە ٢٠٪ فرەتر

دیالە.. بەرزەوبوین نرخ خواردەمەنیەگان  لە ٢٠٪  فرەتر
2020-12-21T09:42:20+00:00

شەفەق نیوز/ بازاڕە ناوخۆیەگان لە پارێزگای دیالە، ئمڕوو دووشەممە، بەرزەوبوین لە نرخەیل خواردەمەنیەگان ئەرا  ناونی ٢٠ تا ٢٩ لەسەد وەخوەیان دین، ئەوەیش لەدویای بڕیار داوەزانن ئەرزش دینار عراقی.

هاووڵاتییەیلیگ ئەرا ئاژانس شەفەق نیوز باس لە بەد وەکارهاوردن گەورایگ لەلایەن بازرگانەگان وخاوەن دوکانەیل خواردەمەنیەگان کردن وە ئاستەیل گەورایگ وەگورەی نرخەیل جارانی.

باوگ مونیر، یەکیگە لە خاوەن بازاڕەیل خواردەمەنیەگان ئەرا ئاژانس شەفەق نیوز وت: هیمان لەبان نرخە کۆنەگان فرووشم چوونکە ئەمار لە چشتەگان دیرم، جوور ماوەی وەختانەیگ ئەرا دەسمیەتی چینە هەژارەگان و کەم دەسەگان.

و دووپاتکرد ک فرەی بازرگانەگان و بازاڕەیل خواردەمەنیەگان نرخ خواردەمەنیەگان وە ئاست ٢٠ تا ٢٥ لەسەد بەرزەو کردن لەدویای بڕیار بانک ناوەندی وە ئەرزانکردن نرخ دینار عراقی هەرچەن فرە لە خواردەمەنیەگان بەرهەم ناوخۆیین و کاریگەر وە بەرزەوبوین وەداوەزین دۆلار نێوون.

لەلای خوەییش، عەبدولڵا حەیالی قایمقام بەعقوبە داوا لە حکومەت و وەزارت بازرگانی کرد میکانزمیگ ئەرا نرخەیل خواردەمەنیە سەرەکیەگان دانەن، و ری نەیەنە هیچ لایەنیگ دەسکاری و بەرزەوکردن نرخەگان بکەێد، ئەرا مقەیەتیکردن هەژارەگان و کەمدەسەگان.

حەیالی لە قسەگانی ئەرا ئاژانس شەفەق نیوز ئاماژە کرد لە هەستی جیوازییگ لە نرخەیل خواردەمەنیەگان لەناوچەیل پارێزگاگە، ک خواردەمەنیەگان بەرزەوبوین و رێژەی ١٠ تا ٢٥ لەسەد وەخوەیان دین، م بویە شیواشیویگ و نیگەرانییگ کۆمەڵایەتی.

Shafaq Live
Shafaq Live