دیالە.. پەیاکردن تەرم ژنیگ وە کوشیاگی لە عزێم
2024-05-25T16:37:52+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە پەیاکردن تەرم ژنیگ وە کوشیاگی لە ئاوایگ لە دیالە.
سەرچەوەگەوە ئاژانس شەفەق نیوز خەوەردا؛ تەرم ژنەگە لە یەکیگ لە ئاوایەیل ناحیەی عزێم پەیاکریاس..
سەرچەوەگە دیاریکرد، ژنەگه خەڵک ناحیەی عوزێم نییە تەرمەگەی وە شمارەیگ گولە کوشیاس و لەژیر ری بەغداد ـ کەرکوک فڕەدریاگە لە دەوروگەرد ناحیەی عوزێم لە باکوور بەعقوبە.
وتیش، تەرمەگە ئەرا پزیشک دادوەری دیالە کلکریاس و دەزگا ئەمنیەیل لێکۆڵینەوە وازکردنە.
