ڤیدیۆ..ئاگرداین چادرەیل مانگگردیەگان و پەیامەیگ ئەرا کازمی دویای بەسانن بینایگ حکومەتی
شەفەق نیوز/ خۆپیشاندەرەیلیگ تۆڕە، شەوەکی ئمڕوو یەکشەممە، بینای حکومەت خۆجێی لە پارێزگای دیوانیە بەسان.
پەیامنێر ئاژانس شەفەق نیوز وت: دویای یەک ساعەت لە کردنەوەگەی، دووارە خۆپیشاندەرەگان بینای دیوان پارێزگای دیوانیە بەسان.
ناڕەزاگان پەیامیگ ئەرا موستەفا کازمی ئاڕاستە کردن، لەناوی داوای لاوردن پارێزگار کەن، و توومەتباری کردن وە دروسکەر فیتنە لە شارەگە.
ئاماژەیە ک بینای پارێزگای دیوانیە لە تەشرین یەکەم گوزەیشتەو لەلایەن ناڕەزاگان بەسیاگە.
لە بەغداد پایتەختیش، دەیان لە فەرمانبەرەیل گریەبەسی کۆمسیۆن باڵای هەڵبژاردنەگان دەرچگنە خۆپیشاندانیگ لەوەردەم وەزارەت دارایی، داوای چەسپاننیان کەن.
هەمیش دەیان لە دەرچگەیل کولێژەیل وەڕێوبردن وئابووری لە پارێزگای موسەنا، خۆپیشاندانیگ کردن لەوەردەم دەروازە سەرکیەگەی پاڵاو سەماوە، ئەرا دابینکردن دەرفەتەیل کاریان.
هەر لیوا، کەسەیلیگ نەناسریاگ چادرەیل ناڕەزاگان لە مەیدان مانگردنەگە لە پارێزگای نەجەف سزانن، وەگورەی ئی ڤیدیۆ لەخوارەو، ک چالاکوانەگان لە بان ماڵپەڕەیل پەیوەندیە کۆمەڵایەتیەگان بڵاوی کردن.
